A “AA.VV. San Pedro” naceu en Pazos, aló por Maio do ano 1994. Inicialmente foi constituída por: Manuel Domínguez, Modesto Fernández, Venerando Fernández, José Freire e Suso Martínez, tendo a súa sede social no “Chiringo de Pazos”.

Formada nos primeiros intres polos veciños de Pazos, tras varios anos de consolidación e espallamento, outros veciños da parroquia, de forma individual, manifestaron o seu desexo de ser membros da mesma, ata chegar a ser un total de 124 socios.

No ano 2004, obrigados pola Xunta de Galicia á “Adaptación dos Estatutos”, aproveitouse para ampliar o ámbito territorial da Asociación a toda Parroquia de Olás, facendo unha campaña para animar a todos os veciños a ser membros da mesma. Pero non é ata o ano 2008, cando os veciños de Vilariño (A Barreira, Pereiras, Campos e O Curro), sexan os primeiros en sumarse como pobo a asociación veciñal. Meses mais tardes seguíronnos os do pobo de Olás e xa a finais de ese mesmo ano tamén os do Xen. Quedando a partir de Xaneiro do ano 2009, formada a “Asociación de Veciños San Pedro”, por tódolos pobos da Parroquia de Olás, medrando así o número de membros ata chegar os 200 socios.

En Xaneiro do ano 2009 a primeira Xunta Directiva da nova ASOCIACIÓN DE VECIÑOS SAN PEDRO de OLÁS queda constituída polos seguintes membros:

Coa chegada dos novos socios modifícanse outra vez algúns artigos dos Estatutos, pero mantendo as bases funcionais da mesma intactas. Somos así, unha Asociación sen ánimo de lucro, destinada a atender e defender os intereses xerais dos asociados sobre problemas sociais, culturais, de servizos, recreativos ou deportivos, así como velar e conservar o noso patrimonio. Aprobadas as modificacións pola Xunta de Galicia en data 29 de Decembro de 2009.

En Xaneiro de 2012, en Asamblea Xeral Extraordinaria, troca a Xunta Directiva, que quedará formada para os vindeiros dous anos polos seguintes socios: